36-39 MALOS TEMPOS, por Carlos Giménez

Coa publicación da serie Paracuellos  iniciada
en 1975, Carlos Giménez  (Madrid, 1941) comeza
–desde o seu propio testimonio como protagonista– a
súa crónica da posguerra española. Con 36-39. Malos
Tempos,  orixinalmente publicada en catro tomos,
Giménez aborda a realidade española durante a Guerra
Civil –en concreto do sitio de Madrid–, situándose  ben lonxe da visión de «guerra
romántica», como o autor repite
unha e outra vez. O seu retrato
daqueles tempos convulsos, a través
dun debuxo eficaz e de historias
baseadas en feitos reais e na súa
propia experiencia, aborda o medo, a
fame, a crueldade dos bombardeos,
o horror, as mortes irracionais, a
terrible opresión…, mais, ao tempo,
acolle, con tenrura, o pulo da vida
cotiá alén do odio e das fondas
feridas. 36-39. Malos Tempos
constitúe unha crónica de vida, un
achegamento fundamental á nosa
historia recente, unha obra única no
seu xénero que se edita en galego
por vez primeira.